საინვესტიციო გარემოს გაუმჯობესებისა და საინვესტიციო კანონმდებლობის სრულყოფისთვის სამუშაო ჯგუფი უკვე შექმნილია.
აღნიშნული ჯგუფის შემადგენლობაში შედიან: პრემიერ-მინისტრის მრჩეველი ეკონომიკურ საკითხებში რომან ჩხენკელი, მთავრობის კანცელარიის უფროსის მოადგილე ნინო კობახიძე და პრემიერ-მინისტრის საპარლამენტო მდივანი შალვა თადუმაძე.
ჯგუფი ერთ თვეში ვადაში შეიმუშავებს სამოქმედო გეგმას, რაც მოიცავს დარგების მიხედვით პრობლემების იდენტიფიცირებას. მეორე ეტაპი გულისხმობს ჯგუფში დარგობრივი კომისიების შექმნას, სადაც დეტალურად გაიწერება სამოქმედო გეგმა, მოხდება კონკრეტული პრობლემების იდენტიფიცირება და მათზე გადაწყვეტილების მიღების რეკომენდაციების წარმოდგენა.
როგორც ცნობილია აღნიშნული სამუშაო ჯგუფის შექმნის გადაწყვეტილება ირაკლი ღარიბაშვილმა პრემიერთან არსებული ეკონომიკური საბჭოს ბოლო სხდომაზე მიიღო.
