სრულიად რუსეთის პატრიარქი კირილი საქართველოში ჩამოსვლას გეგმავს. როგორც ,,ჯი-ეიჩ-ენთან" საუბარში სრულიად საქართველოს კათოლიკოს-პატრიარქის უწმინდესისა და უნეტარესის ილია მეორის პროტოპრესვიტერმა და თბილისის სასულიერო რექტორმა გიორგი ზვიადაძემ განაცხადა რუსეთის პატრიარქის საქართველოში ვიზიტის დეტალების ორ კვირაში დაზუსტდება.
,, როდესაც ახალი პატრიარქის აღსაყდრება ხდება, ტრადიციაა რომ ის ყველა ადგილობრივ ეკლესიაში ჩადის. ადგილობრივი ეკლესიაა მაგალითად, კონსტანტინეპოლის, ალექსანდრიის, იერუსალიმის, საქართველოს, სერბეთის, რუმინეთის, ბულგარეთის და ა.შ. ეს არის ძმური, ერთობის გამოვლინება. მას შემდეგ რაც რუსეთის პატრიარქი კირილი გახდა საქართველოში არ ყოფილა. ამიტომ ის როგორც ახლად აღსაყდრებული პატრიარქი საქართველოს ეწვევა. ", _განაცხადა ,,ჯი-ეიჩ-ენთან" საუბარში გიორგი ზვიადაძემ.
მისივე განმარტებით, სრულიად საქართველოს კათოლიკოს პატრიარქი ილია მეორე გეგმავს რუსეთის პატრიარქის საქართველოში ვიზიტის დეტალებზე რუსეთში თავისი წარმომადგენელი მიავლინოს.
,,პატრიარქი გეგმავს, რომ რუსეთში თავისი წარმომადგენელი გააგზავნოს ვიზიტის დეტალებზე მოსალაპარაკებლად", _განაცხადა პატრიარქის პროტოპრესვიტერმა გიორგი ზვიადაძემ.