აჭარის სავაჭრო-სამრეწველო პალატა იმედს გამოთქვამს, რომ უკრაინაში მიმდინარე მოვლენები მშვიდობიანი გაზით გადაწყდება. აღნიშნულის შესახებ პალატამ დღეს სპეციალური განცხადება გაავრცელა. პალატა რეგიონის ბიზნესმენებს სიფრთხილისაკენ მოუწოდებს, რათა ყურადღებით მოეკიდონ კიევში მიმდინარე პროცესებს და დროულად უზრუნველყონ საკუთარი ბიზნესისა და სავაჭრო ურთიერთობების დაცვა.
„აჭარის სავაჭრო-სამრეწველო პალატა გამოხატავს რა თავისი წევრი ბიზნესმენების, აგრეთვე რეგიონის ექსპორტიორთა თუ იმპორტიორთა დიდ წუხილს უკრაინაში განვითარებული მოვლენების მიმართ, იმედს გამოთქვამს რომ მშვიდობიანი გზით გადაწყდება ყველა საკითხი უკრაინელი ხალხის სუვერენიტეტის დაცვისა და არჩევანის პატივისცემის საფუძველზე.
უკრაინა, საქართველოს სავაჭრო პარტნიორებს შორის პირველ სამეულში შედის, ხოლო სოფლის მეურნეობის ექსპორტის კუთხით პირველ ადგილზეა. ამდენად მისი წინსვლა და ევროატლანტიკური განვითარება ჩვენი ქვეყნისთვის უმნიშვნელოვანესია.
აჭარის სავაჭრო-სამრეწველო პალატა მოუწოდებს რეგიონის ბიზნესმენებს სიფრთხილისაკენ რათა ყურადღებით მოეკიდონ კიევში მიმდინარე პროცესებს და დროულად უზრუნველყონ საკუთარი ბიზნესისა და სავაჭრო ურთიერთობების დაცვა"- ნათქვამია განცხადებაში.