უკრაინის პატრიარქმა ფილარეტმა უარი თქვა პრეზიდენტ იანუკოვიჩის მიერ მისთვის მინიჭებულ პირველი ხარისხის ორდენზე "დამსახურებებისათვის".
"უკრაინის პრეზიდენტის ინტერნეტ-გვერდზე განთავსებული შეტყობინებიდან ცნობილი გახდა, რომ მე სახელმწიფოს მეთაურმა პირველი ხარისხის ორდენით დამაჯილდოვა "დამსახურებებისათვის".
ასევე, სინოდის დღევანდელ სხდომაზე მიიღეს გადაწყვეტილება ჩემი იოანე ოქროპირის ორდენით დაჯილდოების შესახებ, ჩემს 85 წლისთავთან დაკავშირებით", _ ნათქვამია პატრიარქის განცხადებაში და იქვე აღნიშნულია, რომ იმ პირობებში, რომლებიც ახლა კიევშია შექმნილი ის ითხოვს არ გადასცენ მას ჯილდოები.
"გთხოვთ, არ გადმომცეთ ჯილდოები და ამ ჩემს გადაწყვეტილებას წმინდა სინოდის წევრებიც ეთანხმებიან", _ ბრძანა პატრიარქმა.
აღსანიშნავია, რომ უკრაინის პრეზიდენტმა რამდენიმე ადამიანი გუშინ, უკრაინის გაერთიანების დღესთან დაკავშირებით დააჯილდოვა.