სომხეთში საქართველოს პრეზიდენტის გიორგი მარგველაშვილის ვიზიტი იგეგმება, ამის შესახებ განცხადებას სომხეთის საგარეო საქმეთა მინისტრი ედვარდ ნალბანდიანი აკეთებს. აღნიშნულის შესახებ კომენტარი ნალბანდიანმა ჟურნალისტების კითხვის საპასუხოდ გააკეთა, რომელიც საქართველოსთან და ირანთან ურთიერთობების შესაძლო გამწვავებას შეეხებოდა.
მისი თქმით, 2013 წელს სომხეთმა მეზობლებთან - საქართველოსა და ირანთან გააგრძელა კეთილმეზობლური ურთიერთობების გაღრმავება მიუხედავად იმისა, რომ სამივე ქვეყანაში გასულ წელს საპრეზიდენტო არჩევნები გაიმართა.
მინისტრმა დასძინა ისიც, რომ ქვეყნის ყოფილმა პრემიერ-მინისტრმა პირველი ვიზიტი სწორედ, რომ სომხეთის რესპუბლიკაში განახორციელა და ეს ვიზიტი საკმაოდ ეფექტური იყო. ამაზე მოწმობს თუნდაც საქართველოსა და სომხეთს შორის ურთიერთობების კიდევ უფრო გაღრმავება.
მინისტრის თქმითვე, ურთიერთობები უფრო ღრმავდება ირანთანაც. რამდენიმე კვირაში თეირანში სამთავრობათაშორისო კომისიის სხდომაც გაიმართება. ასეთ ფონზე, ურთიერთობების დაძაბვის შესახებ გავრცელებული ინფორმაციები საფუძველს მოკლებულია.
მასალის გამოყენების პირობები
