1-ელი იანვრიდან ამოქმედდა ჯანმრთელობის დაცვის ახალი ქვეპროგრამა „ამბულატორიული მაღალტექნოლოგიური დიაგნოსტიკური კვლევა", რომლის მიზანია სოციალურად დაუცველი მოსახლეობისათვის მაღალტექნოლოგიურ დიაგნოსტიკურ კვლევებზე ფინანსური ხელმისაწვდომობის უზრუნველყოფა.
ქვეპროგრამით სარგებლობა შეუძლიათ სოციალურად დაუცველი ოჯახების მონაცემთა ერთიან ბაზაში რეგისტრირებულ 200 000 ჩათვლით სარეიტინგო ქულის მქონე საქართველოს იმ მოქალაქეებს, რომლებიც უწყვეტად არიან რეგისტრირებულნი აჭარის ავტონომიურ რესპუბლიკაში 2014 წლის 1 იანვრის მდგომარეობით და ვაუჩერის გაცემის მომენტში.
ქვეპროგრამით განხორციელებული მომსახურება დაფინანსდება მიმწოდებლის მიერ წარმოდგენილი ანგარიშ-ფაქტურის მიხედვით, მაგრამ არაუმეტეს ქვეპროგრამაში გათვალისწინებული ღირებულებისა, სამინისტროს მიერ აღებული ვალდებულების (პროპორციების) მოცულობით:
1) 70 000-ის ჩათვლით სარეიტინგო ქულის მქონე პაციენტები, 200 000 -ის ჩათვლით სარეიტინგო ქულის მქონე 18 წლის ასაკის ჩათვლით ბავშვი - 100 %-ით.
2) 70 001-დან 100 000-ის ჩათვლით სარეიტინგო ქულის მქონე პაციენტები - 90 % -ით, თანაგდახდა პაციენტის მხრიდან -10%.
3) 100 001-დან 200 000-ის ჩათვლით სარეიტინგო ქულის მქონე პაციენტები - 80 % -ით, თანაგდახდა პაციენტის მხრიდან -20%.
იმ შემთხვევაში, როცა გამოკვლევების ღირებულება ნაკლებია ქვეპროგრამით გათვალისწინებულ თანხაზე, ზემოაღნიშნული პროპორციებით განსაზღვრული მაჩვენებლები გაითვლება წარმოდგენილი ღირებულებიდან.
იმ შემთხვევაში, როცა მიმწოდებლის ტარიფი აღემატება ქვეპროგრამით გათვალსწინებულ ღირებულებას, მაგრამ პაციენტი მოითხოვს გამოკვლევების ჩატარებას ამ მიმწოდებელთან, გამოკვლევები დაფინანსდება ქვეპროგრამის ტარიფით დადგენილი დაფინანსების პროპორციებით. განსხვავებას ღირებულებასა და სამინისტროს მიერ დასაფინანსებელ თანხას შორის ფარავს პაციენტი.
ქვეპროგრამა არ ითვალისწინებს საზღვარგარეთ ჩატარებული დიაგნოსტიკური კვლევების, უკვე ჩატარებული სამედიცინო მომსახურების და მოქმედი სამედიცინო პროგრამებით გათვალისწინებული თანაგადახდის დაფინასებას მოსარგებლის მხრიდან.
პროგრაში ჩართვისთვის მოქალაქემ სამინისტროში უნდა წარმოადგინოს:
* განცხადება
* ცნობა ჯანმრთელობის მდგომარეობის შესახებ-ფორმა №IV-100/ა
* ანგარიშფაქტურა გაცემული სამედიცინო დაწესებულების მიერ
* პირადობის დამადასტურებელი მოწმობა ან სხვა დოკუმენტი, რომლითაც შეიძლება პირის იდენტიფიცირება
* ქვეპროგრამის მოსარგებლის დამადასტურებული დოკუმენტი
მომსახურების მიწოდება განხორციელდება ინდივიდუალური სამედიცინო ვაუჩერის მეშვეობით საქართველოს ნებისმიერ სამედიცინო დაწესებულებაში პაციენტთა არჩევით.
