ვიტალი კლიჩკო უკრაინელებს ქვეყნისა და მისი მომავლის დასაცავად მაიდანზე გამოსვლისაკენ მოუწოდებს. პარტია „უდარის" ლიდერი უკრაინელებისადმი მიმართვაში აცხადებს, რომ ქვეყნის ხელისუფლებამ უკრაინელ ხალხს ომი გამოუცხადა და თავისი მოქმედებებით სიტუაცია იქამდე მიიყვანა, რომ ქალაქის ცენტრში საბრძოლო მოქმედებები მიმდინარეობს.
„უკრაინაში მოხდა ის, რაც მთელი დამოუკიდბელობის განმავლობაში არ მომხდარა და ის რაც ადამიანებს მხოლოდ ცუდ სიზმარში თუ ენახათ - საბრძოლო მოქმედებები ქალაქის ცენტრში. ამ სიტუაციმდე ყველაფერი ხელისუფლებამ მიიყვანა", _ აცხადებს კლიჩკო და აღნიშნავს, რომ ხელისუფლებამ, რომელსაც უკვე ორი თვის განმავლობაში არ ემის ხალხის და ისე იქცევა თითქოს ქვეყანაში არაფერი ხდება უკრანელ ხალხს ომი გამოუცხადა რაც სავალალო შედეგებემდე მივიდა.
„მოვუწოდებ უკრაინის ყველა მოქალაქეს, პატრიოტს დაიცვას თავისი ქვეყანა და თავისი მომავალი! დღეს ყველას, ვისთისაც სულერთი არაა ადგილი დედაქალაქშია, მაიდანზეა!",_ განაცხადა კლიჩკომ და აღნიშნა, რომ ხელისუფლება სამხედრო ძალას ქვეყნის ყველა ნაწილიდან დედაქალაქში უყრის.
„მაგრამ ჩვენ მეტნი ვართ და ჩვენ ერთად ვიქნებით! ჩაჯექით მანქანებში, სამარშრუტო ტაქსებში და ავტობუსებში! თქვენ აქ ხართ საჭირო იმისათვის რათა უკრაინამ გაიმარჯვოს და არა იანუკოვიჩმა!" _ მოუწოდა უკრაინელებს ვიტალი კლიჩკომ.
