რუსეთის პრეზიდენტი ვლადიმერ პუტინი „ბი-ბი-სი"-სათვის მიცემულ ინტერვიუში აცხადებს, რომ მას გეებთან მეგობრული ურთიერთობები აქვს.
„მინდა თქვენი ყურადღება გავამახვილო იმაზე, რომ რუსეთში არ არის სისხლის სამართლის პასუხისმგებლობა არატრადიციულ ორიენტაციაზე მსოფლიოს ერთი მესამედი ქვეყნებისაგან განსხვავებით. მსოფლიოს 70 ქვეყანაში ჰომოსექსუალიზმი სიკვდილით ისჯება", _ აღნიშნა ვლადიმერ პუტინმა და ჟურნალისტის კითხვაზე გეებთან დაკავშირებით კანონზე საუბრისას პუტინს თავისი პირადი პოზიციის დაფიქსირება სთხოვა.
კანონზე საუბრისას, პუტინმა განაცხადა, რომ საუბარი მიდის პროპაგანდის აკრძალვაზე. „და არა მხოლოდ ჰომოსექსუალიზმის, არამედ ბოროტად გამოყენების ბავშვების წინააღმდეგ. თუმცა ამას არაფერი საერთო არ აქვს თავად ადამიანების დევნასთან თავიანთი სექსუალური ორიენტაციის გამო. ეს ორი დიდი განსხვავებაა როგორც ჩვენთან ამბობენ", _ აცხადებს პუტინი ა აღნიშნავს, რომ რუსეთში მიღებულია კანონი, რომელიც ცუდად არავის ეხება.
ჟურნალისტმა ვლადიმერ პუტინს ამ საკითხისადმი ეკლესიის დამოკიდებულება შეახსენა, რაზე პუტინმა უპასუხა: „ჩვენთან ეკლესია კანონით გამოყოფილია სახელმწიფოსგან და მას საკუთარი შეხედულების უფლება აქვს".
„პრაქტიკულად ყველა მსოფლიო ტრადიციულ რელიგია ამ თემასთან დაკავშირებით სოლიდარული პოზიცია აქვს. რომის პოზიციასა და რუსეთის ეკლესიის პოზიციას შორის განსხვავება არის? განა ისლამი სხვაგვარად უყურებს ადამიანებს რომლებსაც არატრადიციული სექსუალური ორიენტაცია აქვს?", _ იკითხა ვლადიმერ პუტინმა და აღნიშნა, რომ მისთვის სულაც არ აქვს მნიშვნელობა რა სექსუალური ორიენტაცისაა ადამიანი.
„ჩემთვის სულაც არ აქვს მნიშვნელობა თუ რა სექსუალური ორიენტაციისაა ადამიანი და მე თავად ვიცნობ და მხარს ვუჭერ ზოგიეთ ასეთ ადამიანს. ჩვენ აბსულუტურად, მე ვიტყოდი მეგობრული ურთიერთობები გვაქვს", _ განაცხადა რუსეთის პრეზიდენტმა.