შინაგან საქმეთა მინისტრი ალექსანდრე ჭიკაიძე ევროპის საბჭოს ადამიანის უფლებათა კომისარ ნილს მუიჟნეკსს შეხვდა. შეხვედრაზე მხარეებმა შეაფასეს ადამიანის უფლებათა დაცვის კუთხით საქართველოში არსებული მდგომარეობა, აგრეთვე ისაუბრეს შსს-ს მიერ ამ სფეროში განხორციელებულ და დაგეგმილ ღონისძიებებზე. საუბარი ასევე შეეხო პოლიციის რეფორმას და ოკუპირებულ ტერიტორიებზე ადამიანის უფლებათა დაცვის საკითხებს.
ევროპის საბჭოს ადამიანის უფლებათა კომისარი ნილს მუიჟნეკსი საქართველოში ოფიციალური ვიზიტით იმყოფება. ვიზიტის ფარგლებში დაგეგმილია შეხვედრები როგორც სამთავრობო სექტორის, ასევე არასამთავრობო ორგანიზაციების წარმომადგენლებთან.
მასალის გამოყენების პირობები
