თუ რა განთავსდება სამომავლოდ ლეონიძის ქუჩაზე მდებარე სებ-ის ყოფილ შენობაში ამ დროისათვის ისევ უცნობია. თუმცა ირკვევა, შენობა, რომელიც უკვე აღარ ეკუთვნის ეროვნულ ბანკს და ის ეკონომიკის სამინიტროს ბალანსზეა და დღემდე რეგისტრირებულია გრიფით "საიდუმლო".
როგორც სააგენტო „ჯი-ეიჩ-ენს" ეკონომიკისა და მდგრადი განვითარების სამინისტროდან ოფიციალური წერილით აცნობეს, „ქ. თბილისში, ლეონიძის ქუჩაზე მდებარე საქართველოს ეროვნული ბანკის ყოფილი შენობა-ნაგებობა წარმოადგენს სახელმწიფო საკუთრებას და რეგისტრირებულია გრიფით "საიდუმლო".
კანონმდებლობის მიხედვით განსაკუთრებული მნიშვნელობის რეჟიმის ობიექტების ნუსხებში მართლაც უნდა იყოს შეტანილი ბანკის შენობა, როგორც
ფასეულობების - ოქროს, ალმასის,პლატინის და ა.შ. საცავი.
თუმცა მას შემდეგ რაც ეროვნულ ბანკს ახალი საცავი აქვს, ხოლო ძველ შენობაში არც მისი ადმინისტრაცია და თანამშრომლები აღარ არიან განთავსებულნი, შენობა კი ეკონომიკისა და მდგრადი განვითარების სამინისტროს ბალანსზეა, გაუგებარია დღემდე რატომ არის რეგისტრირებული შემობა გრიფით საიდუმლო.
სებ-ის ყოფილი ისტორიული შემობა, თბილისის ერთ-ერთ ღირშესანიშნაობას წარმოადგენს და ისიც გაუგებარია რა დანიშნულებით აპირებს ხელისუფლება მის შემდგომ გამოყენებას.
