Google-მა კონტაქტური ლინზები წარმოადგინა, რომელიც საშუალებას იძლევა, რეალურ დროში, დიაბეტით დაავადებული მისი მფლობელის სისხლში შაქრის მოცულობა განსაზღვროს.
„ლინზებს აქვს უნარი სხეულში გლუკოზის მოცულობა გააკონტროლონ, რაც თავის მხრივ თვალის ცრემლის საშუალებით ხდება. დღეისათვის კი სისხლში შაქრის მოცულობის დადგენა სისხლის ანალიზითაა შესაძლებელი"- წერს „ბი-ბი-სი".
კონტაქტურ ლინზებს გლუკოზის უკაბელო გადამცემი აქვს, რომელიც ინსულინის ინექციების საჭიროებაზე ინფორმაციას გადასცემს. როგორც მისი შემქმნელები განმარტავენ, მთავარ პრობლემას წარმოადგენდა მიკრო ანტენის დამონტაჟება კონტაქტურ ლინზაზე. ამ დროისათვის ლინზის მხოლოდ პროტოტიპია შექმნილი და სავარაუდოდ ის გაყიდვაში უახლოეს პერიოდში ჩაეშვება.
