არასამთავრობო ორგანიზაცია „ადამიანი, კანონი, თავისულების" წამრმომადგენლებმა, მოსკოვის გამზირზე განთავსებული უსახლკაროები მოინახულეს. ორგანიზაციის წევრები ადგილზე არსებულ მდგომარეობას დეტალურად გაეცნენ და პირადად გაესაუბრნენ მობინადრეებს.
„ყოველდღიურად აღნიშნულ კარვებს თავს 180-დან 200-მდე ადამიანი აფარებს. გამოყოფილ ტერიტორიაზე განთავსებულია სამედიცინო პუნქტი, ხოლო მძიმე ავადმყოფთათვის გამოყოფილია ცალკე კარავი. მობინადრეებს ფსიქოლოგიური და იურიდიული დახმარების მიღების საშუალებაც აქვთ.
მობინადრეებისთის მოწყობილია აბანო, სისტემატურად ურიგდებათ ჰიგიენის საშუალებები, 24 საათიანი რეჟიმში მორიგეობს როგორც სასწრაფო სამედიცინო დახმარება, ასევე საპატრულო პოლიცია. დაცულია უსაფრთხოების ნორმები. მობინადრეებს ეტაპობრივად ურიგდებათ ტანსაცმელი. ჰიგიენის დასაცავად კი ყველა ხელშემწყობი პირობაა შექმნილი. ერთადერთი პრობლემა, რომელიც მონიტორინგის დროს გამოიკვეთა მედიკამენტების სიმცირეა.
დაკვირვების შედეგად დავადგინეთ, რომ ადგილზე რეგულარულად იმყოფება ადამიანების გარკვეული ჯგუფი, რომელთა მიზანს არსებული ვითარებით მაქსიმალური სარგებლის მიღება წარმოადგენს. სწორედ ეს ადამიანები წარმოადგენენ ადგილზე არსებულ „გაუსაძლის პირობებთან" დაკავშირებით გავრცელებული ინცორმაციის წყაროს. სინამდვილეში კი, კარვებში მცხოვრებ უსახლკაროთა უმრავლესობა არსებული პირობებით კმაყოფილია.
აღსანიშნავია ისიც, რომ წლების განმავლობაში აქ მობინადრეებს ქუჩაში, ღია ცის ქვეშ, გაუსაძლის პირობებში უხდებოდათ ცხოვრება. რაც, თავის დროზე, ბევრი ასეთი ადამიანის გარდაცვალების მიზეზი გახდა. აქედან გამომდინარე, არ შეიძლება წელს, მთავრობის მიერ განხორციელებული უპრეცენდენტო ქმედებები პოზიტიურად არ შეფასდეს.
მისასალმებელია ისიც, რომ ახალი ინიციატივის თანახმად თბილისის ტერიტორიაზე გაკეთდება უსახლკაროთა თავშესაფარი, რომელიც არსებულ მდგომარეობას მეტად გააუმჯობესებს" - ნათქვამია ორგანიზაციის განცხადებაში.
არასამთავრობო ორგანიზაცია „ადამიანი, კანონი, თავისულება" სისტემატურად, მინიმუმ ორ კვირაში ერთხელ, გეგმავს თავშესაფარის მონახულებას და საზოგადოებას სისტემატურად გააცნობს ადგილზე არსებულ მდგომარეობას. რაც შეეხება გორში განთავსებულ თავშესაფარს, იქ არსებულ სიტუაციას „ადამიანი, კანონი, თავისუფლება"-ს ერთ-ერთი პროექტის - „გორის ახალგაზრდული საკრებულოს" წევრები დააკვირდებიან. ორგანიზაცია გეგმავს რეგულარული მონიროტინგის დაწესებას ქუთაისში და ყველა იმ ქალაქში, სადაც მომავალში ანალოგიური თავშესაფარი გაიხსნება.