აჭარის ჯანდაცვის და განათლების მინისტრები ბათუმში მშენებარე მრავალპროფილური საავადმყოფოს წარმომადგენლებს შეხვდნენ. როგორც "ჯი-ეიჩ-ენს" აარის ჯანდაცვის სამინისტროდან აცნობეს, ნუგზარ სურმანიძემ და გიორგი თავამაიშვილმა დღეს შეხვედრა გამართეს თურქეთ-საქართველოს განათლებისა და კულტურის ფონდის მმართველი საბჭოს წევრ ისმეთ დინდართან და ბაჰჩეშეჰირის უნივერსიტეტის წარმომადგენლებთან. შეხვედრას ესწრებოდნენ მინისტრის მოადგილეები რომან ბოლქვაძე და ლევან გორგილაძე.
შეხვედრაზე ისმეთ დინდარმა მინისტრს ინფორმაცია მიაწოდა 2014 წლის 11 იანვარს აჭარიდან ბაჰჩეშეჰირის უნივერსიტეტში სასწავლებლად წასული სამედიცინო ფაკულტეტის 8 კურსდამთავრებულის სასწავლო პროცესში ჩართვის შესახებ და ბათუმში მშენებარე მრავალპროფილური საავადმყოფოს ბაზაზე საუნივერსიტეტო კლინიკის მოწყობის ინიციატივასთან დაკავშირებით.
დღესვე შეხვედრა გაიმართა შპს „ბრადერშის" დირექტორთან, რომელიც მომავალში მრავალპროფილურ საავადმყოფოს უხელმძღვანელებს. მინისტრმა თუგრულ თოქმანს საქართველოს ჯანდაცვის სისტემა, ჯანმრთელობის დაცვის სახელმწიფო პროგრამები, ქვეყანაში მოქმედი სადაზღვევო მომსახურება და აჭარის ჯანდაცვის სამინისტროს პროგრამები გააცნო.
მრავალპროფილური საავადმყოფოს მშენებლობა 2012 წლის სექტემბერში დაიწყო და 2014 წელში დასრულდება. კლინიკა განხორციელებს ქირურგიულ, კარდიოლოგიურ, ონკოლოგიურ და სხვა სახის სამედიცინო სერვისებს.
