16 იანვარს, 15:00 საათზე, სასტუმრო „თბილისი მარიოტში" ცენტრალური და აღმოსავლეთ ევროპის უმსხვილესი დაბალბიუჯეტიანი ავიაკომპანია "WIZZ AIR"-ის პრეზიდენტი ჯოზეფ ვარადი ``დავით აღმაშენებლის სახელობის ქუთაისის საერთაშორისო აეროპორტთან`` 1 წლიანი თანამშრომლობის შედეგებს შეაჯამებს და პრეზენტაციას გამართავს.
პრესკონფერენციას დაესწრება საქართველოს ეკონომიკისა და მდგრადი განვითარების მინისტრის პირველი მოადგილე დიმიტრი ქუმსიშვილი, საქართველოს აეროპორტების გაერთიანების დირექტორი ქეთევან ალექსიძე, ავიაკომპანია "WIZZ AIR"-ის პრეზიდენტი ჯოზეფ ვარადი, სამოქალაქო ავიაციის სააგენტოს დირექტორი გურამ ჯალაღონია და უნგრეთის ელჩი საქართველოში.
ოფიციალური ვიზიტის ფარგლებში ჯოზეფ ვარადი შეხვედრებს გამართავს საქართველოს ეკონომიკისა და მდგრადი განვითარების მინისტრთან, გიორგი კვირიკაშვილთან და საქართველოს აეროპორტების გაერთიანების დირექტორთან ქეთი ალექსიძესთან.
მასალის გამოყენების პირობები
