პრემიერ-მინისტრი ბიზნესის განვითარებაზეა ორიენტირებული, აღნიშნულის შესახებ განცხადება საპარტნიორო ფონდის ხელმძღვანელმა ირაკლი კოვზანაძემ გააკეთა, რომელიც დღეს პრემიერ-მინისტრისა და ბიზნესმენების შეხვედრას ესწრებოდა. კოვზანაძის განმარტებით, პრემიერ-მინისტრი მომხრეა ისეთი პროექტების განხორციელების. რომელიც ქვეყანაში იმპორტის ჩანაცვლებაზე იქნება ორიენტირებული.
„მე ვფიქრობ რომ შეხვედრა იყო ძალზედ საინტერესო. კონკრეტული საკითხები იყო და კონკრეტული პასუხები. პირველ რიგში ყველამ დაინახა, რომ პრემიერ-მინისტრი ბიზნესის განვითარებაზეა ორიენტირებული, მათ შორის ქვეყნის შიგნით იმ ტიპის ბიზნესების განვითარებაზე, რომლებიც უზრუნველყოფენ იმპორტის ჩანაცვლებას და ადგილობრივი წარმოების განვითარებას. რაზეც ვფიქრობ, რომ ჩვენი ქვეყნისთვის ძალზედ მნიშვნელოვანია"- განაცხადა კოვზანაძემ.
მისივე განმარტებით, შეხვედრაზე საუბარი იყო ასევე ანაკლიის პორტის განვითარებაზე და ქვეყანაში სამაცივრე მეურნეობების მოწყობაზე.
„მეორე მკვეთრი მესიჯი ეს იყო სახელმწიფოსა და კერძო სექტორის მჭიდრო თანამშრომლობა სხვადასხვა მიმართულებით, მათ შორის ინფრასტრუქტურული პროექტების მიმართულებით. ნახსენები იყო ანაკლიის პორტი, რომლის განვითარებაზეც ჩვენ, საპარტნიორო ფონდი ვმუშაობთ. ასევე საუბარი იყო სამაცივრე წარმოებების უზრუნველყოფაზე, იმ კუთხით რომ სოფლის მეურნეობის პროდუქციის შენახვა მოხდეს და სეზონურობის გარდა სხვა მიმართულებით გამოყენება.მე ვფიქრობთ, რომ ბიზნესმა დაინახა, რომ პრემიერ-მინისტრი არის თავისუფალი საკუთარ გადაწყვეტილებებში"- განაცხადა კოვზანაძემ
