თბილისის მერიის მიერ, მიღებული კანონი, რომელიც გამარტვებული პროცედურებით ობიექტების ექსპლუატაციაში მიღებას და ჯარიმის გადახდის გარეშე, მათ საჯარო რეესტრში რეგისტრაციას გულისხმობს, იურიდიულ ძალას 2014 წლის 17 იანვარს კარგავს.
გამარტივებული წესით მოქმედება დედაქალაქის მთავრობამ 2013 წლის ივლისში შემოიღო. ექვსი თვის განმავლობაში 2 000 განაცხადიდან თბილისის მერიამ 1 100 შენობის მესაკუთრეს ექსპლუატაციაში მიღების აქტი გადასცა. ინდივიდუალური საცხოვრებელი სახლების მესაკუთრეთა უმეტესობამ კი, რომელთა ობიექტები 90-იანი წლებიდან ექსპლუატაციაში მიუღებლად ფუნქციონირებდა, ყოველგვარი ფინანსური ხარჯის გარეშე დაიკანონა.
დედაქალაქის მთავრობის მიერ, ინიცირებულ კანონზე და მის დადებით შედეგებზე დღეს, თბილისის მერის მოვალეობის შემსრულებელმა ისაუბრა. სევდია უგრეხელიძემ ზედამხედველობის სამსახურის უფროსთან ერთად ბოლო 6 თვის განმავლობაში ექსპლუატაციაში მიღებული შენობა-ნაგებობის სტატისტიკაზეც გაამახვილა ყურადღება.
