ლარის კურსი დოლართან მიმართებაში ისევ დაეცა: ეროვნული ვალუტის ოფიციალური გაცვლითი კურსი დოლართან მიმართებაში 1.7533 ნიშნულით განისაზღვრა. აღნიშნული კურსი ხვალ შევა ძალაში. შეგახსენებთ, რომ 14 იანვრის კურსი 1.7475 ნიშნულით განისაზღვრებოდა.
როგორც ეროვნული ბანკის პრეზიდენტმა გასული კვირის ბოლოს ლარის კურსის შესახებ საუბრისას განაცხადა, 5%-იანი ინფლაციის შემთხვევაში მონეტარული პოლიტიკის გამკაცრება მოხდება. გიორგი ქადაგიძის თქმით, ლარის კურსის მოკლევადიან პერსპექტივაში როგორც გამყარების ისე გაუფასურების მიმართულებით კვლავ იმერყევებს. დღეის მდგომარეობით ინფლაციის მაჩვენებელი 2,4%-ია, ხოლო ეროვნული ბანკის სამიზნე ნიშნულს საშუალოვადიან პერიოდში 5% წარმოადგენს.
უმსხვილესი იმპორტიორების ნაწილი ჯერ კიდევ გასული წლის დეკემბერში აცხადებდა, რომ 1.75-იანი კურსიდან იმპორტირებულ პროდუქციაზე ფასები ძირფესვიანად გადაიხედება
