ავტომობილის გასაღებს მას რომპეტროლის გენერალური დირექტორი ნურკენ მურზაგალიევი აღმაშენებლის ხეივნის მეცხრე კილომეტრზე მდებარე კომპანიის განახლებულ ავტოგასამართ სადგურზე 11:30 საათზე გადასცემს. იქვე ნურკენ მურზაგალიევი მედიის წინაშე გასული წლის შედეგებს შეაჯამებს და 2014 წლის სტრატეგიაზე ისაუბრებს.

"რომპეტროლის" წამახალისებელი აქცია საქართველოს მასშტაბით 44 დღის განმავლობაში მიმდინარეობდა, მომხმარებელი კომპანიის ქსელში ჩასხმულ ყოველ 20 ლიტრ საწვავზე გათამაშების 1 ბილეთს იღებდა. გათამაშებაში მონაწილეობა 200 000-ზე მეტმა ბილეთმა მიიღო. გამარჯვებულ ოთარ ვანაძეს გათამაშების 14 ბილეთი ჰქონდა, რომლიდანაც ერთ-ერთი მომგებიანი აღმოჩნდა. იღბლიანმა მომხმარებელმა, ბილეთები რომპეტროლის ახალციხის და ახალქალაქის ავტოგასამართ სადგურებზე საწვავის შეძენისას მიიღო.

"რომპეტროლი" ხშირად მართავს სხვადასხვა წამახალისებელ აქციებს, ავტომობილი კი პირველად გავათამაშეთ, შემდგომში ჩვენ კიდევ გვექნება მსგავსი ტიპის აქციები. ვულოცავ ოთარ ვანაძეს გამარჯვებას და ვუსურვებ ბედნიერ მგზავრობას. რომპეტროლის ერთგულ მომხმარებლებს კი მაღალი ხარისხის საწვავის მიწოდებასთან ერთად მომავალშიც ვპირდებით საინტერესო პროექტებს,"- აცხადებს ნურკენ მურზაგალიევი.

კომპანიის მენეჯმენტის შეფასებით, გასული წელი რომპეტროლისთვის წარმატებული იყო - ბაზარზე საწვავის მოხმარების შემცირების მიუხედავად, „რომპეტროლის" წლიური გაყიდვები 2013 წელს 8%-ით გაიზარდა. რომპეტროლის მიერ ბიუჯეტში გადარიცხულმა თანხამ 83 520 463 ლარი შეადგინა. ასევე გასულ წელს კომპანიამ, საქართველოში შემოიტანა და ბაზარზე წარმატებით დანერგა ახალი პროდუქტი „Efix S ევრო 98", რომელიც სუპერის ტიპის საწვავს წარმოადგენს და მისი გაყიდვებიც 2012 წელთან შედარებით 30%-ით გაიზარდა.

„2013 წელს ჩვენ სახელმწიფოს ვამარაგებდით საქართველოს ბაზარზე ყველაზე პოპულარული და სენსიტიური პროდუქტით RON 92-ით და წარმატებით შევასრულეთ ჩვენი ვალდებულება. ასევე საგრძნობლად გაიზარდა კორპორატიული კლიენტების რაოდენობაც. კომპანიამ გასულ წელს 7 ახალი სადგური გახსნა, ავტომატიზაცია განახორციელა 10 სადგურზე და თანამშრომლების რაოდენობა 130 ადამიანით გაზარდა. ამჟამად „რომპეტროლ საქართველოს" ქსელი ქვეყნის მასშტაბით 72 ავტოგასამართ სადგურს აერთიანებს,"- აცხადებს კომპანიის კომერციული დირექტორი თენგიზ ჭიჭინაძე.

რაც შეეხება კომპანიის სამომავლო გეგმებს, მიმდინარე წელს კომპანია კვლავ აპირებს სტაბილურად და წარმატებით განვითარებას, ქსელის გაფართოებას და სადგურების განახლებას. "2014 წლის სტრატეგიის ფარგლებში თხუთმეტამდე ახალი ავტოგასამართი სადგურის გახსნას ვაპირებთ, მათ შორის ერთ-ერთი თბილისის ცენტრში, დანარჩენი კი საქართველოს მასშტაბით სხვადასხვა რეგიონებში განთავსდება. სოლიდური ინვესტიცია ჩაიდება ასევე სადგურების რებრენდინგში. რაც მთავარია, მომხმარებელს საწვავზე დემოკრატიულ ფასებს ვპირდებით" - აცხადებს ნურკენ მურზაგალიევი.

ტრანსნაციონალური კომპანია "რომპეტროლი" საქართველოს ბაზარზე ევრო სტანდარტის საწვავის უმსხვილეს მომწოდებელს წარმოადგენს. "რომპეტროლ ჯგუფის" მთავარი ოფისი ამსტერდამში მდებარეობს და ამჟამად მსოფლიოში 50-მდე კომპანიას აერთიანებს. ამჟამად "რომპეტროლი" საქართველოს ბაზარზე 5 ტიპის საწვავს ყიდის. სამი ტიპის ბენზინს - Euro Regular, Efix Euro Premium, Efix S და ორი სახეობის დიზელს - Efix Euro Diesel და Euro Diesel.