2014 წლის პირველი ივლისიდან C ჰეპატიტით ინფიცირებულები მედიკამენტს 60%-ით ნაკლებ ფასად შეიძენენ, ხოლო სასჯელაღსრლების დაწესებულებებში კი C ჰეპატიტით ინფიცირებული მსჯავრდებულების მკურნალობა უფასო იქნება და მას სახელმწიფო დააფინანსებს. როგორც ჯანდაცვის მინისტრმა დავით სერგეენკომ ჟურნალისტებთან განმარტა სახელმწიფო მხრიდან შემოთავაზებული ფასი მთელ მსოფლიოში ყველაზე დაბალია ეგვიპტის შემდეგ.
"დღეისთვის მედიკამენტის არსებული საბაზრო ღირებულება 280 ლარია, პირველი ივლისიდან იგივე მედიკამენტის შეძენა 158 ლარად იქნება შესაძლებელი. ეს მთელ მსოფლიოში ყველაზე დაბალი ფასია ეგვიპტის შემდეგ", _განაცხადა სერგეენკომ.
მედიკამენტების მიწოდებაზე ჯანდაცვის სამინისტრომ ხელშეკრულება შპს "ჯი-ემ-პი"-სთან გააფორმა, რომელიც სახელმწიფოს "როშეს" პროდუქციას მოაწვდის.