ავტოსაგზაო შემთხვევის შედეგად გარდაცვლილი, ამერიკელი მსახიობის, პოლ უოკერის სისხლში ალკოჰოლის ან ნარკოტიკული ნივთიერების კვალი ნაპოვნი არ არის. შესაბამისი განცხადება უოკერის გარდაცვალების ფაქტზე მიმდინარე გამოძიებამ გაავრცელა. აკრძალული პრეპარატები არ არის ნაპოვნი „პორშეს" მძღოლის სისხლშიც.
გამოძიების მიერ დადგენილია, რომ კატასტროფამდე ავტომობილი 160კმ/სთ სიჩქარით მოძრაობდა.
„პორშეს" მარკის ავტომანქანა, რომელითაც მსახიობი მგზავრობდა ჯერ ხეს შეეჯახა, შემდეგ კი ღამის განათების ბოძს. მომხდარი ავარიის შედეგად უოკერი და ავტომანქანის მძღოლი ადგილზე გარდაიცვალნენ.
ბოლო ფილმი უოკერის მონაწილობით „დათვლილი საათები", რომელიც ქარიშხალ „კატრინას" შედეგებზე უყვება მაყურებელს, ეკრანებზე 13 დეკმებერს გამოვიდა.