აშშ-სა და კანადაში უამინდობაა. აშშ-ის ჩრდილო-აღმოსავლეთში უამინდობის გამო ათასობით ავიარეისი გადაიდო. მასაჩუსეტის შტატში რამდენიმე საათში 53 სმ თოვლი მოვიდა.
ახალ ინგლისში გამოცხადებულია საგანგებო მდგომარეობა. ხელისუფლება მოსახლეობას მოუწოდებს, გარდაუვალი აუცილებლობის გარეშე სახლებიდან არ გავიდნენ.
მეტეოროლოგების განცხადებით, ზოგიერთ რაიონში ქარის სიჩქარემ 70 კმ/სთ მიაღწია.
დღეს, ნიუ-იორკის რამდენიმე სკოლაში სწავლა შეწყდება.
CNN-ის ინფორმაციით, ო`ხარას და ჩიკაგოს აერიპორტებში 650 ავიარეისი გადაიდო.
სერიოზულად შეფერხდა სხვა აეროპორტების მუშაობაც. დაკეტილია ნიუ-იორკის ლა გუარდიას აეროპორტიც.
როგორც მეტოროლოგები ვარაუდობენ, ძლიერი ნამქერი 22 შტატს და მასში მცხოვრებ 100 მილიონამდე ადამიანს შეუქმნის პრობლემებს.
„დარჩით სახლებში, იმდენი ხანი, რამდენიც ეს შესაძლებელია", - მიმართა მოსახლეობას ნიუ-იორკის მერმა ბილ დე ბლაზიომ.
ბი-ბი-სის ინფორმაციით, კანადაში ტემპერატურია -26 გრადუსამდე დაეცა. განსაკუთრებით მძიმე მდგომარეობაა მონრეალში და ვინიპეგში. გუშინ კი კვებეკში -46 გრადუსი დაფიქსირდა.