აფხაზეთის ავტონომიური რესპუბლიკის შრომის, ჯანმრთელობისა და სოციალური დაცვის სამინსტროს იაპონიის საელჩოს წარმომადგენლები კონსული შიროკი ტოკუნაგა და გრანტების კონულტანტი თაე იამამოტო ესტუმრნენ.
სტუმრებმა დაათვალიერეს კალოუბნის 16-ში მდებარე შენობის მეორე და მესამე სართულები, სადაც განთავსებულია დევნილთა სამედიცინო დაწესებულებები (შ.პ.ს. „საოჯახო მედიცინის ცენტრი" შ.პ.ს. „აფხაზეთიდან იძულებით გადაადგილებულ ქალთა კონსულტაცია" შ.პ.ს. „ოფთალმოლოგიური კლინიკა" და შ.პ.ს. „ზემო აფხაზეთის საავადმყოფო") და აფხაზეთის შრომის, ჯანმრთელობისა და სოციალური დაცვის სამინისტრო. მათ ყურადღება გაამახვილეს ამ დაწესებულებების დატვირთვაზე და დაინტერესდნენ პაციენტების მომართვების რაოდენობით.
საელჩოს წარმომადგენლებმა აფხაზეთის ავტონომიური რესპუბლიკის შრომის, ჯანმრთელობისა და სოციალური დაცვის მინისტრთან ქეთევან ბაკარაძესთან ერთად განიხილეს სამინისტროსა და იაპონიის საელჩოს შორის სამომავლო ურთიერთთანამშრომლობის საკითხები.