დღეს , 25 დეკემბერს, 11.00 საათზე ეროვნულ არქივში გაიმართება ახალი პროექტის „ელექტრონული კარტოგრაფია" პრეზენტაცია.
პროექტი ითვალისწინებს არქივში დაცული უნიკალური კარტოგრაფიული დოკუმენტების გამოვლენას, დიგიტალიზაციას, მონაცემთა ბაზისა და კატალოგის შექმნას. რუკების ელექტრონული კატალოგი და გეოგრაფიული საინფორმაციო სისტემა განთავსდება ეროვნული არქივის ვებგვერდზე.
პროექტის განხორციელებაში ჩაერთვება საჯარო რეესტრის სააგენტო, სადაც დაცულია საბჭოთა პერიოდის ტოპოგრაფიული რუკები. ყველა რუკის ელექტრონული ვერსია განთავსდება ეროვნული არქივის ელექტრონულ კატალოგში, რაც ხელს შეუწყობს ერთიანი ბაზის შექმნას.