სასჯელაღსრულების, პრობაციისა და იურიდიული დახმარების საკითხთა სამინისტროს გენერალური ინსპექციის მიერ ჩატარებული სამსახურებრივი შემოწმების შედეგად, სამსახურებრივი გადაცდომის ფაქტზე სისტემიდან სასჯელაღსრულების #8 დაწესებულების სამართლებრივი რეჟიმის განყოფილების უფროსი ინსპექტორი ზ.ნ. დაითხოვეს.
სამსახურებრივი შემოწმების შედეგად დადგინდა, რომ ზ.ნ-მ ხელმძღვანელობასთან შეთანხმების გარეშე, საკნიდან ფარულად გაიყვანა ბრალდებული ზ.გ, რომელსაც არ ჰქონდა სატელეფონო საუბრის უფლება და სატელეფონო ზარი სპეციალურ ჟურნალში რეგისტრაციის გარეშე, ფარულად განახორციელებინა. ზ.ნ-მ ასევე ფარულად, ბრალდებულის მითითებით, რამდენიმეჯერ თვითონაც განახორციელა სატელეფონო ზარი და ბრალდებულის თანამზრახველს შეტყობინება გადასცა.
მოკვლეული მასალები შემდგომი რეაგირებისთვის სასჯელაღსრულების, პრობაციისა და იურიდიული დახმარების საკითხთა სამინისტროს საგამოძიებო დეპარტამენტს გადაეცა.
