ოკუპირებული აფხაზეთის ე.წ. მთავრობა ქართული ეროვნების 900 ადამიანს ე.წ. აფხაზეთის პასპორტს ჩამოართმევს. აფხაზეთის გენერალური პროკურატის მიერ ჩატარებული შემოწმების შედეგად წარმოდგენილ ანგარიშში, რომელიც ქართული ეროვნების მოსახლეობის პასპორტიზაციას ეხება ნათქვმია, რომ 2013 წლის 23 სექტემბრიდან 20 დეკემბრამდე გალის, ოჩამჩირისა და ტყვარჩელის რაიონებში შემოწმებულია 15 373 საპასპორტო საქმე.
„შემოწმების შედეგად დადგენილია, რომ ე.წ. აფხაზური პასპორტების გაცემულია 900 ადამიანზე, რომელთაც საქართველოს მოქალაქეობა ჰქონდათ. აფხაზეთის შს სამინისტროში გადაგზავნილია შესაბამისი წერილები აღნიშნული პასპორტების მოქმედების შეჩერებისა და მათი ამოღების შესახებ", _ ნათქვამია ანგარიშში.
მასალის გამოყენების პირობები