„ოქროს პერგამენტის" მფლობელი და შესაბამისად 2013 წლის კომუნიკატორად კომპანია „მაგთიკომი" დასახელდა.
ნომიანციაში წლის კომუნიკატორი „ოქროს პერგამენტის" მოსაპოველად დასახელებულნი იყვნენ -
«ბილაინი», «კავკასუს ონლაინი», «მაგთი», «სილქნეტი», «ჯეოსელი»
„ოქროს პერგამენტის" ლაურეატების გამოსავლენი გამოკითხვა, რომლის ორგანიზატორია ახალი ამბების სააგენტო GHN, მთელი ქვეყნის მასშტაბით საკონსულტაციო ჯგუფმა GCG-მ ჩაატარა.
„მაგთიკომმა", როგორც მობილური კავშირგაბმულობის ოპერატორმა, კომერციული საქმიანობა 1997 წლის სექტემბრიდან დაიწყო და დღეისათვის მისი მფლობელები არიან ამერიკული კომპანიები: International Telcell Celular LLC და Telcell Wireless LLC.
აღსანიშნავია, რომ „მაგთიკომი" ერთადერთი სატელეკომუნიკაციო კომპანიაა საქართველოში, რომელსაც შეუძლია, მთელი ქვეყნის მასშტაბით ოთხმაგი შეთავაზებით უზრუნველყოს მომხმარებელი: „მაგთიკომი", დიდი ხანია, გასცდა მობილური კავშირგაბმულობის საზღვრებს და მომხმარებელს ერთდროულად სთავაზობს მობილურ და ფიქსირებულ მომსახურებას, ინტერნეტსა და თანამგზავრულ სატელევიზიო მაუწყებლობას.
დღეისათვის 3 მილიონზე მეტი მომხმარებელი ირჩევს"მაგთიკომის" ხარისხს, როგორც სანდო, საიმედო და შეუფერხებელი კავშირის გარანტიას.
„მაგთიკომი" საქართველოში მოქმედი უდიდესი კომპანიაა, მისი წილი ქართულ ეკონომიკაში კვლავაც უპრეცედენტოა, 2013 წლის 1 დეკემბრის მდგომარეობით, „მაგთიკომმა" ქართულ ეკონომიკაში 1 მლრდ 186 მლნ 446 ათას 614 ლარი შეიტანა.
დღეისათვის „მაგთიკომი" საქართველოს საკომუნიკაციო ბაზარზე 5 ბრენდითაა წარმოდგენილი: „მაგთის", „ბალის", „ბანისა" და „მაგთი ფიქსის" შემდეგ „მაგთიკომმა" მომხმარებელს შესთავაზა საქართველოში პირველი თანამგზავრული მაუწყებლობის ოპერატორის - „მაგთისატის" - მომსახურება.