ნომიანციაში წლის ბრენდი „ოქროს პერგამენტის" მოსაპოველად დასახელებულნი იყვნენ - «ვენდისი», «ზედაზენი», «მაგთისატი», «მეღვინეობა ხარება», «ნატახტარი», «სმარტი», «სანტე».

როგორც ცნობილია, „ქართული ლუდის კომპანია" ბაზარზე 2011 წლის 3 ივნისს დარეგისტრირდა და რეკორდულ ვადებში - 7 თვეში დაიგეგმა და აშენდა ამიერკავკასიაში უპრეცედენტო მასშტაბის ქარხანა, რომელიც სამაგალითოა გერმანული და ჩეხური ცნობილი ლუდსახარაშებისთვის.
მის მშენებლობაში 70 მლნ ლარის ინვესტიცია ჩაიდო, რაც საკმაოდ მოცულობითია ქართული კაპიტალისთვის.
ტექნოლოგიური აღჭურვითა და ნედლეულის ხარისხით „ზედაზენი" უახლესი სტანდარტების ლუდსახარშია არა მხოლოდ საქართველოში, არამედ მთელს მსოფლიოში. ქარხანა მთლიანად აღჭურვილია ევროპული დანადგარებითა და ენერგოეფექტური ტექნოლოგიებით. ამჟამად წარმოებაში 700-მდე ადამიანია დასაქმებული.
მიმდინარე წლის თებერვალში, მოსკოვში გამართულ საკვები პროდუქტების დასასმელების მე-20 საერთაშორისო გამოფენაზე, „ქართული ლუდის კომპანიის" მიერ წარმოებულმა პროდუქტმა განსაკუთრებული მოწონება დაიმსახურა; 2013 წლის საუკეთესო პროდუქტად აღიარეს.
2013 წლის იანვარში „ქართული ლუდის კომპანიამ" უპრეცედენტო კონტრაქტი გააფორმა გერმანელ პარტნიორებთან „Bitburger Braugruppe"-თან, რომლის შესაბამისადაც მიიღო "König Pilsener"-ს საქართველოში წარმოების უფლება.
2013 წლის აპრილში ქართული ლუდის კომპანიამ ბაზარზე ახალი, ნამდვილი ქართული ტრადიციული ლუდი „ხევსურული" გამოუშვა.
2013 წლის 15 ივნისს კომპანია საერთაშორისო განვითარების ცენტრის მიერ, მოსახლეობის დახმარებისა და სოციალური პირობების გაუმჯობესებაში შეტანილი წვლილისთვის ქველმოქმედის სტატუსით დაჯილდოვდა.
ქართული ლუდის კომპანია არ ღალატობს ჩვეულ რეჟიმს და უპრეცედენტოდ მოკლე ვადებში, დაარსებიდან ერთი წლის შემდეგ, გახდა "ISO 22 000" - ის მფლობელი.
კომპანის პროდუქციის გაყიდვების მაჩვენებელი გასული წლის ანალოგიურ პერიოდთან შედარებით 40 პროცენტით გაიზარდა, რაც მის უდიდეს წარმატებაზე მიუთითებს.
„ქართული ლუდის კომპანია" ლიმონათისა და ლუდის გარდა, ასევე ახორციელებს საქართველოში უპრეცედენტო პროექტს - აწარმოებს პირველ ქართულ ენერგეტიკულ სასმელს "Wilder"-ს. ამ პროდუქტის უმაღლესი ხარისხის გარანტს წარმოადგენს ის ფაქტი, რომ წარმოებისთვის საჭირო ნედლეულს, მსოფლიოში უდიდესი გამოცდილების მქონე ავსტრიული კომპანია „ESAROM" აწვდის. ახალი პროდუქტის წარმოებაში ჩაშვება 5 მილიონი ლარი დაჯდა.
„ქართული ლუდის კომპანიის" პროდუქცია სანდოობისა და ხარისხიანობის თვალსაზრისით, მოწინავეა ამიერკავკასიის მასშტაბით, საწარმოს გააჩნია უმწიკვლო საქმიანი რეპუტაცია, რაც მის მთავარ მონაპოვარს და ათობით უცხოელ პარტნიორთან თუ ინვესტორთან არსებული საქმიანი ურთიერთობის წინაპირობას წარმოადგენს.