დსთ-ის ქვეყნებთან საგარეო სავაჭრო ბრუნვამ 2013 წლის იანვარ-ნოემბერში 3368 მლნ. აშშ დოლარი შეადგინა (2012 წლის იანვარ-ნოემბერთან შედარებით 14 პროცენტით მეტი). აქედან ექსპორტმა 1465 მლნ. აშშ დოლარს (29 პროცენტით მეტი), ხოლო იმპორტმა 1902 მლნ. აშშ დოლარს მიაღწია (4 პროცენტით მეტი). საქართველოს საგარეო სავაჭრო ბრუნვაში დსთ-ის ქვეყნების წილი 35 პროცენტი იყო, მათ შორის ექსპორტში 56 პროცენტი და იმპორტში 27 პროცენტი. (2012 წლის იანვარ-ნოემბერში შესაბამისად 32, 52 და 25 პროცენტი). 2013 წლის იანვარ-ნოემბერში, წინა წლის შესაბამის პერიოდთან შედარებით დსთ-ის ქვეყნებზე მოდიოდა სავაჭრო დეფიციტის 10 პროცენტი (2012 წლის იანვარ-ნოემბერში 14 პროცენტი).
აღსანიშნავია, რომ 2013 წლის იანვარ-ნოემბერში საქართველოში საქონლით საგარეო სავაჭრო ბრუნვამ (არაორგანიზებული ვაჭრობის გარეშე) 9681 მლნ. აშშ დოლარი შეადგინა, რაც წინა წლის შესაბამისი პერიოდის მაჩვენებელზე 4 პროცენტით მეტია; აქედან ექსპორტი 2618 მლნ. აშშ დოლარს შეადგენს (20 პროცენტით მეტი), ხოლო იმპორტი 7064 მლნ. აშშ დოლარს (2 პროცენტით ნაკლები). საქართველოს უარყოფითმა სავაჭრო ბალანსმა 2013 წლის იანვარ-ნოემბერში 4446 მლნ. აშშ დოლარი და საგარეო სავაჭრო ბრუნვის 46 პროცენტი შეადგინა.