საქართველოს საბაჟო-გამშვებ პუნქტებზე ნარკოტიკების დაძიება-აღმოჩენაზე „ამერიკელი" ძაღლები მუშაობენ. როგორც ფინანსთა მინისტრი განმარტავს, საბაჟოზე ნარკოტიკული ნივთიერებების აღმოსაჩენად უკვე თითქმის ყველა პირობაა შექმნილი, რათა ეს მავნე ნივთიერება ქვეყანაში აღარ შემოვიდეს.
„შევქენით კინოლოგიური სამსახური. აშშ-დან შევიძინეთ შესაბამისი ძაღლები, რომელთაც აქვთ იმის გამოცდილება, ცოდნა, რომ საბაჟოზე აღმოაჩინონ ნარკოტიკული ნივთიერებები. როგორც იცით ხელით ძალიან რთულია ბრძოლა მაგრამ ჩვენ უკვე ვართ აღჭურვილი შესაბამისი აპარატურითა და ცხოველებით, რომლებიც დაგვეხმარება ამ მავნე სენს ვებრძოლოთ საქართველოს საზღვარზე"- განაცხადა ფინანსთა მინისტრმა.
