საქართველოს პარლამენტის თავმჯდომარის დავით უსუფაშვილის განცხადებით, მისი სურვილია, რომ თუნდაც 2020 წელს პროკურატურამ იმდენად გამართულად იმუშაოს, რომ თუ რომელიმე პოლიტიკური პარტია გააკეთებს განცხადებას, რომ პოლიტიკური დევნის მსხვერპლია ყველას გაეღიმოს. ამის შესხებ, უსუფაშვილმა ,,რადისონში" განაცხადა სადაც კონფერენცია „პოლიტიკური ლანდშაფტი 2020: პოლიტიკური პარტიების მომავალი" მიმდინარეობს.
,,ვისურვებდი, რომ 2020 წელს, თუ რომელიმე პოლიტიკური პარტია გააკეთებდა განცხადებას, რომ მისი წარმომადგენელი პოლიტიკური დევნის მსხვერპლია, ჩვენ ყველას გაგვეღიმებოდა, რას ლაპარაკობს ეს ხალხიო, იმდენად დარწმუნებულები ვიქნებოდით ჩვენს პროკურატურაში, პოლიციაში და სასამართლო სისტემაში, ისევე როგორც დღეს დიდ ბრიტანეთში, რომელიმე პოლიტიკური ფიგურის წინააღმდეგ საქმე რომ აღიძრას და ბრალი წაუყენონ და მერე ვინმემ უთხრას, ეს პოლიტიკური დევნააო, ისინი გაიღიმებენ. აი, ასეთი საქართველო მინდა 2020 წელს და ამას მივაღწევთ", - აღნიშნა უსუფაშვილმა.
