იუსტიციის მინისტრმა თეა წულუკინმა სამინისტროს ერთწლიანი მუშაობა შეაჯამა. როგორც მინისტრმა განმარტა გასული წელი რთული იყო, რადგან მთავრობა კოაბიტაციოურ რეჟიმში იმყოფებოდა.
,, ეს წელი რთული იყო, რადგან ვიყავით კოაბიტაციურ რეჟიმში და ჩვენ ვიყავით იმ გარდამავალ წელიწადში, რომლის დროსაც ქვეყნისთვის სასიცოცხლოდ მნიშვნელოვანია შეინარჩუნო და განავითარო ის რაც კარგი იყო და გამოასწორო ის რაც ცუდი იყო. ცუდი ძალიან ბევრი იყო, ხოლო ამის ფონზე კარგს სჭირდებოდა დანახვა, შენარჩუნება და მომავალში განვითარებისთვის საფუძვლის ჩაყრა", _განამარტა წულუკიანმა.
წულუკიანის განმარტებით, მისმა უწყებამ გასული წლის განმავლობაში გაატარა მართლმსაჯულების რეფორმის პირველი ეტაპი.
,, ამან მოგვცა ერთი ფუძმდებლური ხელშესახები შედეგი, რომ იუსტიციის უმაღლეს საბჭოში პოლიტიკოსები აღარ სხედან. ეს ორგანო არის დეპოლიტიზირებული და უკვე მის წევრებზეა დამოკიდებული როგორ წაიყვანენ მართლმსაჯულების სისტემის მენეჯმენტს", _განაცხადა წულუკიანმა. როგორც წულუკიანმა განმარტა მისმა უწყებამ გასული წლის განმავლობაში გააუქმა სასჯელის შეკრებითობის პრინციპი და პატიმრებს შესაძლებლობა მიცათ გადახედილიყო მათი სასჯელი.
,,ჩვენ აგრეთვე მოვახერხეთ ჩვენს კოლეგა უწყებებთან ერთად, სისხლის სამართლის უწყებათაშორის საბჭო რომელსაც ხელმძღვანელობს იუსტიციის მინისტრი, ცხრაწლიანი უშედეგო მცდელობების შემდეგ, გამოეყო სასჯელაღსრულების სამინიტროს და ცალკე დამოუკიდებელ ინსტიტუტად ჩამოყალიბდა. ჩემივე ინიციატივით, ჩემს კოლეგა არჩილ კბილაშვილთან ერთად შევძელით და შევიტანეთ ,,პროკურატურის შესახებ კანონში" ცვლილებები და მოხერხდა პროკურატურის დეპოლიტიზაცია და იუსტიციის მინისტრი საპროკურორო უფლებამოსილებით აღჭურვილი აღარ არის", _განაცხადა წულუკინმა.
