შემოსავლების სამსახური აჭარაში შექმნილი ფორსმაჟორული ვითარების გათვალისწინებით, მეწარმეთა ნაწილს დაკისრებული ჯარიმისაგან ათავისუფლებს.
„9-14 დეკემბერს, დიდთოვლობის გამო, აჭარის რეგიონს ელექტროენერგია შეფერხებებით მიეწოდებოდა. ელექტროენერგიის ეტაპობრივად აღდგენის პარალელურად, საკონტროლო შესყიდვების პროცესში დაფიქსირდა არაერთი სამართალდარღვევა და, შესაბამისად, გამოიწერა სამართალდარღვევის ოქმები. თუმცა, ფორსმაჟორული ვითარების გათვალისწინებით, შემოსავლების სამსახურის გადაწყვეტილებით, გადამხდელები, რომლებიც 9-14 დეკემბრის პერიოდში გამოწერილ სამართალდარღვევის ოქმებთან დაკავშირებით მიმართავენ შემოსავლების სამსახურს, საქართველოს საგადასახადო კოდექსის 269-ე მუხლის მე-7 ნაწილის შესაბამისად, კეთილსინდისიერი გადამხდელის პრინციპიდან გამომდინარე, გათავისუფლდებიან დაკისრებული ჯარიმისაგან_ ნათქვამია შემოსავლების სამსახურის განცხადებაში.