საბურთალოს რაიონში არსებული საბავშვო ბაღების დირექტორები კვალიფიკაციის ამაღლების მიზნით, გერმანიაში მიემგზავრებიან. სკოლამდელი აღზრდის დაწესებულების 17 თანამშრომელი ევროკავშირის სამეზობლო პოლიტიკის ფარგლებში, 10 დღიან სემინარს დაესწრება.
თითოეულ მათგანს შესაძლებლობა ექნება, სპეციალურად მათთვის დაგეგმილ სემინარზე, თანამედროვე სწავლების კურსს და ბავშვებთან ურთიერთობის მეთოდოლოგიას გაეცნოს. აღნიშნული ინიციატივა თბილისის მერიასა და საბურთალოს გამგეობას ეკუთვნის. გამგზავრებამდე ბაღების ხელმძღვანელებს თბილისის მერი შეხვდა.
გიგი უგულავამ მათ წარმატება უსურვა და საბავშვო ბაღებში დაგეგმილ სამომავლო პროექტებზე ესაუბრა.