საქართველოს მთელს ტერიტორიაზე 18 დეკემბრიდან გამოიდარებს და ყინვაც შედარებით შესუსტდება. როგორც ,,ჯი-ეიჩ-ენთან" საუბარში სინოპტიკოსმა ნინო წვერავამ განაცხადა დღეს და ხვალ თოვლი და ყინვა კვლავ მოსალოდნელია.
,,დღეს და ხვალ, თბილისში მოსალოდნელია ნალექი მცირე თოვლის სახით. შიდა ქართლში მომდევნო ორი დღის განმავლობაში -10 გრადუსამდე ყინვას ველოდებით, ქვემო ქართლში ყინვა -4, -6 გრადუსს მიაღწევს. თბილისს რაც შეეხება ამაღამ -1 გრადუსს ყინვას ველოდებით, შემდეგ კი -4 გრადუსამდე ", _განაცხადა ,,ჯი-ეიჩ-ენთან' საუბარში წვერავამ.
მისივე განმარტებით, 18 დეკემბრიდან გამოიდარებს და მომდევნო ხუთი დღის განმავლობაში უნალექო ამინდი შენარჩუნდება, ჰაერიც შედარებით გათბება. დღის ტემპერატურა აღმოსავლეთ საქართველოში 10 გრადუსამდე, დასავლეთ საქართველოში კი 13 გრადუსამდე მოიმატებს.