ეკონომიკისა და მდგრადი განვითარების სამინისტროს ინფორმაციით, „სანატორიუმი-სასტუმრო ოაზისს" 2 მლნ 387 ათასი დოლარის ექვივალენტი ლარის ჯარიმა ეპატია. ამავდროულად. კომპანიას სახელმწიფოს წინაშე აღებული ვალდებულების შესასრულებლად დამატებითი ვადა მიეცა.

ასევე, ვალდებულების შესრულების პირობით დაკისრებული ჯარიმისგან გათავისუფლდა კომპანია „ბლექ სი პროდაქტი", რომელსაც მთავრობამ დაახლოებით 1 მლნ 464 ათას 530 აშშ დოლარის ექვივალენტი ლარში პირგასამტეხლო აპატია.

"რობერ შუმანის სახელობის ევროპული სასწავლებელს", "მჭევრის დამოუკიდებელი ბიზნეს სკოლას". "აიბი მთიების" და "თბილისის მწვანე სკოლას" დაახლოებით 556 ათას 500 ლარის პირგასამტეხლო ეპატია.

ეკონომიკისა და მდგრადი განვითარების სამინისტროს ინფორმაციით, სს "შატო მუხრანი" და ფიზიკური პირი - მამუკა ხაზარაძე - შპს "ქართული ტრადიციის" უფლებამონაცვლეები 507 ათასი ლარის პირგასამტეხლოს გადახდისგან გათავისუფლდნენ.

პირგასამტეხლოს პატიება არ მომხდარა თუმცა ნაკისრი ვალდებულებების შესრულებისთვის ვადის გაუგრძელდა კომპანია "სოკარ ჯორჯია პეტროლიუმსაც".

აღსანიშნავია, რომ მთავრობამ სახელმწიფო ქონების განკარგვის მიზნით უწყებათაშორისი კომისია შექმნა, რომელიც „პრობლემური" ინვესტორის თხოვნის საფუძველზე საინვესტიციო პროექტებს სწავლობს და მიღებულ გადაწყვეტილებას დასამტკიცებლად მთავრობას უგზავნის.