ვაშლიჯვარში მდებარე 158-e საჯარო სკოლაში 70 კვ.მ-ის ფართობზე სასკოლო ინვენტარი დაიწვა. როგორც ,,ჯი-ეიჩ-ენს" თბილისის საგანგებო სიტუაციების მართვის სამსახურში განუცხადეს, ხანძარი კომპიუტერების ოთახში გაჩნდა და ცეცხლი უკვე ლიკვიდირებულია.
,,შეტყობინება 9:25 წუთზე შემოვიდა, ჩვენმა სამსახურმა რეაგირება დროულად მოახდინა. ამ დროისთვის ცეცხლი უკვე ლიკვიდირებულია. შემთხვევის შედეგად არავინ დაშავებულა, ბავშვების ევაკუაცია დროულად მოხდა", _განუცხადეს ,,ჯი-ეიჩ-ენს" თბილისის საგანგებო სიტუაციების მართვის სამსახურში.
ხანძრის გამომწვევი მიზეზების დასადგენად მუშაობა მიმდინარეობს.