ხელისუფლებამ სამართლიანობის თუ არ აღადგენს, შესაძლოა, აქციები ვადამდელი საპარლამენტო არჩევნების მოთხოვნით დაიწყოს. ამის შესახებ, პარლამენტის ყოფილ შენობასთან სამართლიანობის აღდგენის მოთხოვნით მიმდინარე აქციის ორგანიზატორმა ,,ყოფილი პოლიტპატიმრები ადამიანის უფლებებისთვის" თავმჯდომარემ ნანა კაკაბაძემ განაცხადა.
,,თუ ჩვენი მოთხოვნები არ შესრულდება ძალიან მოკლე ვადაში, ჩვენ ვადამდელ საპარლამენტო არჩევნებს მოვითხოვთ", _განაცხადა კაკაბაძემ.
შეგახსენებთ, რომ სამართლიანობის აღდგენის მოთხოვნით პარლამენტის ყოფილ შენობასთან აქცია მიმდინარეობს. აქცია, რომელიც ,,ყოფილი პოლიტპატიმრები ადამიანის უფლებებისთვის" ორგანიზებით იმართება უფლებადამცველებთან ერთად პოლიტიკური პარტიის წარმომადგენლებიც ესწრებიან. ისინი ,,ქართული ოცნებისგან" დანაპირების შესრულებას_ სამართლიანობის აღდგენასა და უკანონოდ ჩამორთმეული ქონების მფლობელებისთვის დაბრუნებას მოითხოვენ.
