სამართლიანობის აღდგენის მოთხოვნით პარლამენტის ყოფილ შენობასთან აქცია მიმდინარეობს. აქცია, რომელიც ,,ყოფილი პოლიტპატიმრები ადამიანის უფლებებისთვის" ორგანიზებით იმართება უფლებადამცველებთან ერთად პოლიტიკური პარტიის წარმომადგენლებიც ესწრებიან.
აქციის ორგანიზატორებმა სპეციალური მიმართვაც გაავრცელეს და ისინი ,,ქართული ოცნებისგან" დანაპირების შესრულებას_ სამართლიანობის აღდგენასა და უკანონოდ ჩამორთმეული ქონების მფლობელებისთვის დაბრუნებას მოითხოვენ.
პარლამენტის ყოფილ შენობასთან აქციის ორგანიზატორებმა კარვებიც დადგეს, სადაც რეგისტრაციას გადიან ის ადამიანები, რომლებიც ხელისუფლებისგან სამართლიანობის აღდგენას მოითხოვენ.
