უფლებადამცველი მერაბ ბლადაძე აჭარის რეგიონის მაჟორიტარ დეპუტატებს მოუწოდებს, ინიციატივა გამოიჩინონ და ხელისუფლებას გლეხებზე კომპენსაციის გაცემის მოთხოვნით მიმართონ.
„მართალია, აჭარის მთავრობა ამტკიცებს, რომ მოსახლეობას ციტრუსის ჩაბარების პრობლემა არ აქვს, მაგრამ ეს მტკნარი სიცრუეა. ახლა კი, ამ პრობლემას სტიქიაც დაემატა - დიდთოვლობამ აჭარა-გურიის რეგიონის ფერმერთა უმეტესობას მანდარინის ნახევარზე მეტი მოუკრეფავი დარჩათ - დათოვლილი მანდარინი, პრაქტიკულად, უვარგისია და გადამზიდავები მის შესყიდვაზე უარს აცხადებენ. ამიტომ, მოვუწოდებ აჭარის რეგიონისმაჟორიტარებს, ცენტრალურ ხელისუფლებასთან დააყეონ შუამგდომლობა, რომ გლეხებზე სტიქიით მიყენებული ზარალის ასანაზღაურებლად კომპენსაცია გაიცეს",- აცხადებს „ჯი-ეიჩ-ენთან" საუბრისას უფლებადამცველი მერაბ ბლადაძე.
ამასთან, ბლადაძის თქმით, თუ ადგილობრივი და ცენტრალური ხელისუფლება ფერმერთა პრობლემებს არ გაითავისებს, აჭარაში შესაძლოა, ფართომასშტაბიანი საპროტესტო გამოსვლები დაიწყოს.
