არასამთავრობო ორგანიზაცია „ადამიანი, კანონი, თავისუფლების" მიერ დაფუძნებულმა კასპის ახალგაზრდულმა თვითმმართველობამ საქველმოქმედო ღონისძიება გამართა. ღონისძიებიდან შემოსული თანხა შეზღუდული შესაძლებლობის მქონე პირებს გადაეცათ, რომლებიც ასევე სოციალურად დაუცველთა სტატუსითაც სარგებლობენ.
საქველმოქმედო აქციას კასპის მუნიციპალიტეტის გამგებელი გოჩა გოჩიტაშვილი და საკრებულოს თავმჯდომარე ავთანდილ გოგიაშვილი ესწრებოდნენ. აღსანიშნავია, რომ მუნიციპალიტეტის გამგებელმა ახალგაზრდულ თვითმმართველობას სამომავლო გეგმების განსახორციელებლად მხარდაჭერა აღუთქვა.
