შინაგან საქმეთა მინისტრი ალექსანდრე ჭიკაიძე კიკბოქსინგის მსოფლიო ჩემპიონატში გამარჯვებულ მესაზღვრე ხვიჩა ქოქუაშვილს შეხვდა. მინისტრმა ხვიჩა ქოქუაშვილს მსოფლიო ჩემპიონის ტიტულის მოპოვება მიულოცა და 1-ლი ხარისხის მედლით „განსაკუთრებული დამსახურებისათვის" დააჯილდოვა. მესაზღვრე ჩემპიონმა მინისტრისგან ასევე ფულადი პრემია მიიღო.
საქართველოს შსს-ს სასაზღვრო პოლიციის N4 სამმართველოს (დედოფლისწყარო) მესაზღვრე ხვიჩა ქოქუაშვილი კიკბოქსინგში მსოფლიო ჩემპიონი 7 დეკემბერს გახდა. მსოფლიო ჩემპიონატი თურქეთის ქალაქ ანტალიაში გაიმართა. ქართველი მესაზღვრე დედოფლისწყაროს სპორტულ გუნდ „ჩემპიონი"-ს სახელით მონაწილეობდა.
მასალის გამოყენების პირობები
