ჩინეთის ქალაქ შენზენში გაიმართა Elite Model Look-ის 30-ე მსოფლიო ფინალი. 30-ე კონკურსის გამარჯვებულად დასახელდა 16 წლის ევა კლიმკოვა ჩეხეთიან, რომელმაც თავისი პიროვნული თვისებებით, ელეგანტურობითა და ფოტოგენურობით მოხიბლა ჟიური.
ულამაზეს ფინალურ ღონისძიებას ესწრებოდა 1800-მდე VIP სტუმარი.
შოუს შთაგონების წყარო გახლდათ დიზაინერ ალექსანდრ მაქქუინის გეომეტრიული კოლექცია.
ფინალურ ღონისძიებაზე ერთმანეთს კონკურენციას უწევდა 54 ქვეყნის წარმომადგენელი. მონაწილეთა მომზადებაზე ზრუნავდა სამოდელო სააგენტო Elite-ის 3 სუპერ მოდელი Malgosia Bela, Liu Wen და Charlotte Di Calypso.
საქართველოდან საერთაშორისო სამოდელო კონკურსზე მონაწილეობას იღებდა Elite Model Look Georgia 2013-ის გამარჯვებული, 14 წლის ანასტასია იგონინა ბათუმიდან. სომხეთის სახელით კი მონაწილეობას იღებდა Elite Model Look Armenia 2013-ის გამარჯვებული, 21 წლის ანა გრიგორიანი ერევნიდან.
ანასტასია და ანა წარმატებით გამოვიდნენ ამ პრესტიჟულ საერთაშორისო კონკურსზე, რის შედეგადაც მიიღეს რამოდენიმე შეთავაზება სხვადასხვა აზიური სააგენტოებიდან და სულ მალე გაემგზავრებიან საზღვარგარეთ სამოდელო კონტრაქტით.
გთავაზობთ ELITE MODEL LOOK WORLD 2013 -ის Top-15 და გამარჯვებული Top-3-ს .
Top 15:
- ჩეხეთი / ევა (გამარჯვებული)
- მონაკო / ალექსანდრა (2 ადგილი)
- ანგოლა / ამილნა (3 ადგილი)
- უნგრეთი / დალმა (3 ადგილი)
- ავსტრია / ვიქტორია
- დანია / ფილიპა
- საფრანგეთი / ესტელ
- გერმანია / ჯინა
- ნორვეგია / სუნივა
- პოლონეთი / იგა
- რუმინეთი / პარტისია
- რუსეთი / ანია
- სლოვაკეთი / ბაია
- გაერთიანებული სამეფო / მეი
- ამერიკის შეერთებული შტატები / კაილინ
საქართველოდან ანასტასია იგონინა Elite Model Look Georgia 2013-ის გამარჯვებული.
სომხეთიდან ანა გრიგორიანი Elite Model Look Armenia 2013-ის გამარჯვებული.
შეგახსენებთ, რომ საერთაშორისო სამოდელო კონკურსი "Elite Model Look"-ი დაფუძნდა 1983 წელს და აღმოაჩინა მსოფლიოში ისეთი ცნობილი ტოპ-მოდელები, როგორებიც არიან: სინდი კროუფორდი, კლაუდია შიფერი, ლინდა ევანჯელისტა, ჟიზელ ბუნდჰენი, ადრიანა ლიმა, ფეი ფეი სანი, სიგრიდ არდენი და სხვები.
წელს კასტინგები ჩატარდა მთელს მსოფლიოში ( 60 ქვეყნის 800 ქალაქში და Facebook-ის აპლიკაციების მეშვეობით) ასობით ათასი გოგონათა შორის, რის შედეგადაც შეირჩნენ სხადასხვა ქვეყნების გამარჯვებულები, რომლებმაც წარადგინეს თავისი ქვეყნები მსოფლიო ფინალზე.
15 დღის განმავლობაში ფინალისტებს ჰქონდათ უნიკალური შესაძლებლობა მიეღოთ მონაწილება მსოფლიო ფინალის მოსამზადებელ ეტაპში, რომელიც მიმდინარეობდა ქალაქ შენზენში. ამ პერიოდში გამოუცდელი, პერსპექტიული გოგონები იქცნენ შემდგარ მოდელებად. კონკურსანტებს შეურჩიეს ვარცხნილობები და მაკიაჟი, მათ ჩაუტარდათ ფოტოსესიები და დეფილეს ძალიან მნიშვნელოვანი მასტერ კლასები. პროექტის კულმინაცია იყო ფინალური შოუ, სადაც დასახელდა 15 საუკეთესო დამწყები მოდელი, რომლებიც დაჯილდოვდნენ საერთაშორისო სამოდელო სააგენტო Elite-ს 3 წლიანი კონტრაქტით. ტოპ-სამეულს შორის საპრიზო ფონდი შესაბამისად განაწილდება: € 150,000 , € 100,000 და € 50,000.
შენზენში ჩატერუბული 30-ე მსოფლიო ფინალი აგრეთვე გახლავთ სამწლიანი პარტნიორობის დასაწყისი Elite-სა და Shenzhen Longhua New District Dalang Fashion Valley-ის შორის. სამომავლო პარტნიორობა გულისხმობს გლობალური მსოფლიო მოდის დამკვიდრებას აღნიშნულ რეგიონში.
აღსანიშნავია, რომ Elite World-ი ეკუთვნის Pacific Global Management (PGM), რომელიც გახლავთ ტალანტ მენეჯმენტ კომპანია.
Elite Model Management-ი დაფუძნდა 1972 წელს და გახლავთ მსოფლიოს უდიდესი სამოდელო სააგენტო, რომელიც წარმოადგენს მსოფლიოს ისეთ წამყვან მოდელებს, როგორებიც არიან: Adriana Lima, Liu Wen, Sigrid Agren, Constance Jablonski, Fei Fei Sun and Ming Xi.
Elite-ი უფრო მეტია ვიდრე სააგენტოების ქსელი მთელს მსოფლიოში. ეს არის ნამდვილი ბრენდი, რომელიც აერთიანებს მოდელ მენეჯმენტს და სამოდელო კონკურსს Elite Model Look-ს.
Elite Model Look-ი არის წამყვანი საერთაშორისო სამოდელის კონკურსი, რომლის მეშვეობითაც ხდება ახალი სახეების ძიება მსოფლიო მასშტაბით.
ყოველწლიურად კონკურსში მონაწილეობას იღებს 60 ქვეყნის ასობით ათასი გოგონა ეს გახლავთ უნიკალური შესაძლებლობა ახალგაზრდა გოგონებისთვის შეაღწიონ მსოფლიო მოდის ინდუსტრიაში და დაიწყონ წარმატებული სამოდელო კარიერა.
მეტი ინფორმაციისათვის ეწვიეთ: www.elitemodellook.com
http://www.youtube.com/watch?v=yGM2q96_wN4&feature=youtu.be
http://www.youtube.com/watch?v=SvgnIFwor34&feature=youtu.be
http://www.youtube.com/watch?v=1jp9w6SC_3w&feature=youtu.be
http://www.elitemodellook.com/