ერაყის მთავრობის მიერ გავრცელებული ოფიციალური მონაცემებით, გასული, ოქტომბრის თვე 2008 წლის შემდეგ ყველაზე სისხლიანი თვე გახდა. ოქტომბრის თვეში ძალადობის მსხვერპლი მთელი ქვეყნის მასშტაბით ათასამდე ადამიანი გახდა.
ერაყის მთავრობის მიერ გამოქვეყნებული სტატისტიკური მონაცემებით ირკვევა, რომ ოქტომბერში 855 მშვიდობიანი მოქალაქეა დაღუპული. მათ შორის 65 პოლიციელი და 44 სამხედრო.
დაჭრილია 1,6 ათასი ადამიანი.
უსაფრთხოების ძალებმა 150 -ზე მეტი ბოევიკი დააპატიმრეს. მოკლულია 33 ტერორისტი.
აღსანიშნავია, რომ ერაყში დაძაბულობის ზრდა ორ უმსხვილეს ისლამურ განშტოებას - სუნიტებსა და შიიტებს შორის არსებული დაპირისპირებით აიხსნება.
მასალის გამოყენების პირობები
