14 ივნისს, სისხლის უანგარო დონორობის მხარდასაჭერად და პატივისცემის ნიშნად, დონორთა დღეს მთელი მსოფლიო აღნიშნავს. ამ დღესთან დაკავშირებით ფოთის სამედიცინო ცენტრში საქველმოქმედო აქცია მოეწყო. აქციაში ქალაქ ფოთის პორტის 100-მდე თანამშრომელი ჩაერთო.
აქციის მონაწილეთა განცხადებით, მათთვის ძალიან სასიხარულოა მსგავს ღონისძიებებში მონაწილეობის მიღება და იმედს იტოვებენ, რომ მათ მიერ გაღებული სისხლით რამდენიმე ადამიანის სიცოცხლის გადარჩენას შეძლებენ.
ფოთის სამედიცინო ცენტრის ადმინისტრაციის განცხადებით, დონორთა მიერ უანგაროდ გაღებული სისხლი სამეგრელოს რეგიონის მასშტაბით ყველა პაციენტს საჭიროებისამებრ მოხმარდება.
