ნაწლავური ინფექციების შემთხვევათა მოსალოდნელ სეზონურ მატებასთან დაკავშირებით აჭარის ავტონომიური რესპუბლიკის საზოგადოებრივი ჯანდაცვის ცენტრი 1 ივნისიდან ღებულობს ყოველდღიურ ინფორმაციას რეგიონში ნაწლავური ინფექციების შემთხვევების შესახებ. ნაწლავური ინფექციების შემთხვევათა 91% დიაგნოსტირდება, როგორც სავარაუდო ინფექციური წარმოშობის დიარეა, 2012 წლის განმავლობაში რეგიონში რეგისტრირებულია სავარაუდო ინფექციური წარმოშობის დიარეის 8973 შემთხვევა, რომელთა 50% ფიქსირდება ივნის-ივლის-აგვისტოში. 2013 წლის მიმდინარე სტატისტიკური მონაცემების მიხედვით აღნიშნულ დაავადებათა დინამიკა მნიშვნელოვნად არ განსხვავდება გასული წლის იმავე პერიოდის მონაცემებისაგან (დღეების გათვალისწინებით). ეპიდემიოლოგიური სიტუაციის გათვალისწინებით შემთხვევათა განსაკუთრებული მატება მოსალოდნელი არ არის.
აჭარის საზოგადოებრივი ჯანდაცვის ცენტრის მონაცემებით, 2013 წლის განმავლობაში აჭარაში დაფიქსირებულია წითელათი დაავადების 148 შემთხვევა. მარტში-2, აპრილში -42, მაისში -89, ივნისში-15. შემთვევათა პიკი მოდიოდა მაისის თვის პირველ და მეორე კვირაზე, როდესაც დაფიქსირდა წითელას 22-22 შემთხვევა. ივნისის თვიდან აღინიშნება კლების ტენდენცია, 10 ივნისიდან რეგისტრირებულია წითელას 2 შემთხვევა.
ლაბორატორიულად დადასტურებულია 26 შემთხვევა, ჰოსპიტალიზირებულია - 36. ბოლო 2 კვირის განმავლობაში აღინიშნებოდა კლებადი დინამიკა.
წითელას შემთხვევებთან დაკავშირებით ჩატარდა წითელას საწინააღმდეგო არაგეგმიური აცრები, სულ აიცრა 2911 . მათ შორის 7 წლამდე ასაკის არასრულყოფილად აცრილი ბავშვი - 737, სამედიციონო პერსონალი - 930, კონტაქტირებული - 1244.
არაგეგმიური აცრები გრძელდება. პარალელურად მიმდინარეობს საქართველოს ეროვნული კალენდრით გათვალისწინებული წითელა-წითურა-ყბაყურას საწინააღმდეგო რუტინული ვაქცინაცია. 5 თვის მონაცემებით წწყ1-ით აცრილია სამიზნე კონტინგენტის 40,6%, ხოლო წწყ2-ით სამიზნე კონტინგენტის 45,9%.