საქართველოს მთელს ტერიტორიაზე სინოპტიკოსები კვლავ წვიმას პროგნოზირებენ. როგორც ,,ჯი-ეიჩ-ენთან" საუბარში ჰიდრომეტეოროლოგიური კვლევის ცენტრის მონიტორინგისა და პროგნოზირების სამსახურის ხელმძღვანელმა სვეტა ნიორაძემ განუცხადა დღეს, საქართველოს მასშტაბით წვიმა შენარჩუნდება, ხოლო ხვალიდან გამოიდარებს.
,,დღეს წვიმაა მოსალოდნელი, როგორც აღმოსავლეთ ისე დასავლეთ საქართველოში, ტემპერატურაც შედარებით დაეცემა და 18 გრადუსამდე შენარჩუნდება. თუმცა დღის მეორე ნახევრიდან შედარებით გამოიდარებს", _განაცხადა ,,ჯი-ეიჩ-ენთან" საუბარში სვეტა ნიორაძემ და აღნიშნა, რომ წვიმის მიუხედავად წყალდიდობები მოსალოდნელი არ არის.
მისვე თქმით, უკვე ხვალიდან, 12 ივნისიდან გამოიდარებს და ტემპერატურაც მოიმატებს და ჰაერი 30 გრადუსამდე გათბება.
