წუხელ თბილისში მოსული ძლიერი წვიმის შედეგად რამდენიმე სარდაფი დაიტბორა, პრობლემები შეექმნა მოსახლეობას გადაადგილების კუთხითაც. როგორც ,,ჯი-ეიჩ-ენს" თბილისის საგანგებო სიტუაციების მართვის სამსახურში განუცხადეს პირველი გამოძახება დილის ექვს საათზე დაფიქსირდა.
,, პირველი გამოძახება დილის ექვს საათზე დაფიქსირა, მოსახლეობა სახლების წინ დიდი გუბეების გამო გამოსვლას ვერ ახერხებდა. 2-3 სარდაფიდან წყლის ამოტუმბვაც გახდა საჭირო. განსაკუთრებულად მძიმე შემთხვევები არ დაფიქსირებულა ძირითადი პრობლემა სანიაღვრო ქსელების გადავსებამ გამოიწვია", -აცხადებენ საგანგებო სიტუაციების სამსახურში და აღნიშნავენ, რომ ამ ეტაპზე სულ 15-მდე გამოძახებაა დაფიქსირებული.
მასალის გამოყენების პირობები
