სამების ტაძარში ავღანეთში დაღუპული სამხედრო მოსამსახურების პანაშვიდი გაიმართა. დაღუპულთა სულის მოსახსენიბელი პანაშვიდს სრულიად საქართველო კათოლიკოს-პატრიარქმა, უწმინდესმა და უნეტარესმა ილია მეორემ მღვდელმთავრებთან ერთად შეასრულა.
გარდაცვლილი ჯარისკაცების სულის მოსახსენიებელ პანაშვიდს საქართველოს მთავრობის წარმომადგენლები თითქმის სრული შემადგენლობით ესწრებოდნენ.
სულის მოსახსენიებელი პანაშვიდის შემდეგ დაღუპული სამხედროები საკუთარ სახლებში გადაასვენეს.
შვიდი ქართველი სამხედრო მოსამსახურე ავღანეთში 6 ივნისს დაიღუპა. ჰელმანდის პროვინციაში, ქართულ მოწინავე ბაზასთან თვითმკვლელმა ტერორისტმა თავი აიფეთქა. გარდაცვლილები არიან: კაპრალი თეიმურაზ ორთავიძე, კაპრალი გიორგი ადამოვი, პირველი კლასის რიგითი ზურაბ გურგენაშვილი, რიგითი მიხეილ ნარინდოშვილი, რიგითი ბორის ცუგოშვილი, პირველი კლასის რიგითი ზვიად სულხანიშვილი, პირველი კლასის რიგითი გიორგი ღუჭაშვილი.
