დღეს, ნატოს კვირეულის ფარგლებში შეხვედრები ბათუმშიც გაიმართა. ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველი მოადგილე დავით დონდუა და ნატოს სამეკავშირეო ოფისის ხელმძღვანელი უილიამ ლაჰიუ ბათუმის შოთა რუსთაველის სახელმწიფო უნივერსიტეტის სტუდენტებს და პროფესორ-მასწავლებლებსა და ასევე, ბათუმის პირველი საჯარო სკოლის მოსწავლე-მასწავლებლებს შეხვდნენ. საუბრის მთავარი თემა ნატო-საქართველოს თანამშრომლობა იყო. მცირე ლექციის შემდეგ სტუმრებმა დასმულ კითხვებს უპასუხეს.
