მიხეილ სააკაშვილი იმ სტუდენტებს შეხვდა, რომლებმაც საქართველოს პრეზიდენტის ბრძანებულებით გამოცხადებულ კონკურსში გაიმარჯვეს და უცხოეთის წამყვან უმაღლეს სასწავლებლებში სამაგისტრო პროგრამებზე დაფინანსება მოიპოვეს.
ქვეყნის პირველმა პირმა ახალგაზრდებს კონკურსში გამარჯვება მიულოცა და მათ შემდგომი წარმატებები უსურვა.
მიხეილ სააკაშვილის თქმით, ბევრი საინტერესო ახალგაზრდა დაფინანსების გარეშე დარჩა და სამწუხაროა, რომ სულ უფრო მეტი კვალიფიციური სპეციალისტი საზღვარგარეთ სამუდამოდ წასვლაზე ფიქრობს.
პრეზიდენტმა შეხვედრაზე მთავრობას ახალგაზრდების უცხოეთში სწავლის დაფინანსებისკენ მოუწოდა და ასევე განაცხადა, რომ საქართველოში ყველას უნდა აინტერესებდეს განათლების საკითხი.
